قصة حياة الديكتاتور

في بلاد منوف قد ولد
وتلقى العلم في كتابا
ودخل الطيران بمجموعٍ
إن قال ستيناً كذابا
وسعى للفوز بمنصبه
سعي الثعبان النصابا
وأخيراً بات لدولتنا
زعيماً يُخشى ويهابا

وتمر سنيناً وسنينا
وجلالته يزداد تسمينا
وبنوكه وقصوره وخزاينه
مليانة بفلوس أهالينا
وينادي الشعب الغلبان
ويقول والله جوعان
فيرد جلالته بإصرار
أما صحيح شعب فجعان
أفلا يكفيكوا المحصول
من دقّة ومدمس فول
والخبز برحمتي مدعوم
من أكله أصبح مرحوم
أتريدوا اللحمة يا سناكيح
ودجاج بلدي بصحيح
وعلاوة وإضافي مرتب
وتعيشوا حياتكم تفاريح

البعد ده بعد اللي ظلمكم
وف بلدي قلقني وخلفكم
ياخي داهية تريح وتاخدكم
وأنا أرمي رمادكم ف الريح
أما صحيح شعب سناكيح

وتطول القصة يا سامع
والشعب المطحون غفلان
لا هو داري رايح من راجع
ده هولاكو وده جدو الخان

وف عهد عظيم مبروك
ضاعت فيه الحقوق
صبح العاطل وزير
والسفلة صبحوا ملوك

وانسجن الشرفا وناموا
وكلاب السكة انقاموا
وف ضل العرش اتحاموا
ملعون أبو عصره لأيامه

ومصانع على شركات
اتباعت بالألفات
لا عرفنا كيت من كات
ولا ربح رايح من آت

خصخصنا الدنيا خلاص
وصبحنا عبيد ف بلادنا
والديكتاتور منطاس
بكره يتاجر بولادنا

سلامات الدنيا علينا
ونواحها من حوالينا
الديكتاتور بهلول
واقف يخطب مبلول
وينادي الناس ويقول
حوفرلكم
أشغال
فرص أعمال
إسكان
مش تعبان
وحنغنغكم على طول
اسمعوه
صدقوه
أو كذبوه
بس اعرفوه
ابن منوف
الديكتاتور معروف
وأنا مش مسئول

إسلام المصري